Trivselsreglar med føresegner

Trivselsreglar for Kviteseid skule

I   For å skape trivsel på skulen må alle:

• Vise ansvar og respekt, vera hjelpsame og vennlege.
• Få ha sine ting i fred. Ingen må grise til eller øydelegge noko på skulen.
• Vera på skulen sitt område.
• Vere med å halde orden og ikkje forstyrre andre klasser.
  

II   Det er ikkje lov å bruke / ha med seg tobakk, alkohol og andre rusmiddel på skulen
      eller på tilstellingar som skulen er ansvarleg for.

Føresegner til trivselsreglane:

Skuleområdet er:
Småskulen: Plassen på nedsida av småskulebygget (v/huskene) og hogstområdet søraust for bygget, avgrensa av vegen i aust.
Mellom- og ungdomssteget: Framfor skulebygningen frå hoppbakken i nord til bommen i sør og idrettsbanen.

Det er ikkje lov til å opphalde seg på parkeringsplassen på oppsida av skulebygningen. Frå skuleslutt til bussavgang er også busshaldeplassen ein del av skuleområdet.

Reglar for åtferd:

• Mobbing og plaging er forbode
• Alle har ansvar for å seie ifrå om nokon blir plaga.
• Bruk ikkje banning og stygge ord.
• Det skal vera arbeidsro i klassa.
• Det er forbode med handlingar som kan skade andre, til dømes snøballkasting, sykling i skulegarden, dytting og herjing.
• Ikkje gå på taket, klatre på gjerda o.l.
• Elevane skal vera ute om ikkje anna er avtalt. Elevrådet kan drøfte andre løysingar med leiinga.
• Elevrådet kan gjera avtale med leiinga om opphald utanfor skuleområdet.

Konsekvensar:

• Elevmekling eller vaksenmekling.
• Beslaglegging av ulovlege varer eller ting.
• Melding eller annan kontakt med heim.
• Sitje att eller koma tidlegare på skulen.
• Eleven blir henta av sine føresette.
• Erstatning ved skade.
• Bortvising eller annan reaksjonsmåte.
• Nedsett ordens- og/eller åtferdskarakter.
• Grovare hærverk eller plaging kan meldast til politiet.
• Positiv åtferd kan gje "bonus".

Sist oppdatert 10.01.2010