Hopp til hovudinnhald Hopp til søk Hopp til bunntekst
  • Gravide rusmiddelmisbrukarar - bruk av tvang

  • Heimehjelp

  • Heimesjukepleie

  • Legemiddelassistert rehabilitering (LAR)

    Generelt

    Legemiddelassistert rehabilitering skal hjelpe pasientar som er avhengige av morfin, heroin og liknande (såkalte opiat), til å betre livskvaliteten. Målet er å styrkje evna til å meistre livet og å hindre overdosedødsfall. Sterkt vanedannande legemiddel i ein bestemt dose går inn som eitt av fleire tiltak i rehabiliteringa. Ulike kontrolltiltak skal sikre forsvarleg oppfølging av pasienten og at uvedkommande ikkje får tilgang til legemiddelet.

    Spesialisthelsetenesta skal ta initiativ til å utarbeide ein individuell plan for å koordinere dei ulike tiltaka. Dette skal skje i samarbeid med pasienten, den kommunale helse- og omsorgstenesta, allmennlege i primærhelsetenesta, barnevernstenesta og andre aktuelle instansar.

    Vilkår

    Det skal gjerast ein samla vurdering av helsetilstanden til pasienten. Legemiddelassistert rehabilitering skal som hovudregel ikkje vere det første behandlingsalternativet ein vel. Andre tiltak skal konkret vurderast først. Pasienten sin alder og kor lenge vedkommande har vore rusavhengig er viktige moment i vurderinga.
     

    Partnarar

    • Spesialisthelsetenesta
    • Den kommunale helse- og omsorgstenesta
    • Nav
    • Allmennlege i primærhelsetenesta
    • Barnevernstenesta
    • Andre aktuelle instansar

    Kontaktavdeling

    Kommunelækjaren

    LederAnne Ruth Syrtveit Mikalsen
    Telefon35 06 82 50
    PostadresseKviteseidgata 13 3850 KVITESEID
    BesøksadresseGranlivegen 1 3850 KVITESEID

    Lovar og retningsliner

    Sjå:
    helse- og omsorgstjenesteloven § 3-2 - Kommunens ansvar for helse- og omsorgstjenester 
    pasient- og brukerrettighetsloven § 2-1b Rett til nødvendig helsehjelp fra spesialisthelsetjenesten og kapittel 7 klage

    Søknadsprosessen

    Rettleiing

    Det er lege i spesialisthelsetenesten som avgjer inn- og utskriving av legemiddelassistert rehabilitering etter tilvising frå allmennlege eller sosialtenesta/Nav. Gjennomføring av behandlinga og rekvirering av legemiddel kan overlatast til allmennlege i primærhelsetenesta.

    Høve til å klage

    Dersom du meiner at du ikkje har fått oppfylt din rett til helsehjelp, kan du etter pasient- og brukarrettlova vende deg til tenesteytaren/institusjonen. Neste trinn er Helsetilsynet i fylket.
     

  • Matlevering

  • Psykiske helsetenester

  • Rusmiddelmisbrukarar - tiltak

  • kommunevaapen_kviteseid

kviteseid.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke kviteseid.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk