Hopp til hovudinnhald Hopp til søk Hopp til bunntekst
  • Fri rettshjelp

  • Klage til Sivilombodsmannen

  • Konfliktråd

    Generelt

    Konfliktrådet har til oppgåve å arrangere møte mellom partar i konfliktar som oppstår fordi éin eller fleire personar har påført andre ein skade, eit tap eller ei anna krenking.

    Konfliktrådet er eit statleg konfliktløysingsorgan og behandlar både sivile saker og straffesaker. Eksempel på sivile saker er grannekonfliktar, familietvistar og mobbing. Eksempel på straffesaker er vald, truslar og nasking.

    Konfliktråda skal mellom anna

    • arrangere møte mellom partar i sivile saker
    • gjennomføre møte i straffesaker overførte frå påtalemyndigheita eller domstolen
    • gjennomføre dei strafferettslege reaksjonane ungdomsstraff og ungdomsoppfølging

    Møte i konfliktrådet kan forhindre at konfliktar eskalerer, og det kan bidra til å førebyggje framtidige konfliktar og lovbrot.

    Vilkår

    Konfliktrådsbehandling krev som regel samtykke frå begge partar. Unntak gjeld for dei strafferettslege reaksjonane ungdomsstraff og ungdomsoppfølging, der den krenka si deltaking og samtykke ikkje er påkravd.

    Pris

    Tenesta er gratis.

    Partnarar

    22 konfliktråd dekkjer alle kommunane i landet. Sekretariatet for konfliktråda har ansvaret for drift og fagleg utvikling av konfliktråda. Konfliktråda samarbeider med kommunane om å nemne opp meklarar. Konfliktråda samarbeider elles med

    • lensmanns- og politietaten
    • kriminalomsorgsetaten
    • domstolane
    • andre lokale etatar som skule og barnevern

    Kontaktavdeling

    Rådmannen

    LederØystein Tveit
    Telefon35068136
    Nettadressehttp://www.kviteseid.kommune.no
    PostadresseKviteseidgata 13 3850 KVITESEID
    BesøksadresseKviteseidgata13 3850 KVITESEID

    Lovar og retningsliner

    Søknadsprosessen

    Rettleiing

    Du kan ta direkte kontakt med konfliktrådet anten ved telefon, brev, e-post eller ved personleg oppmøte.

    Lenke til konfliktrådet for Telemark finn du her.

    Høve til å klage

    Det er partane sjølve som kjem fram til ei løysing i form av ein avtale. Det er derfor ikkje høve til å klage til konfliktrådet på innhaldet i avtalen. I straffesaker har du ei angrefrist på éi veke. I sivile saker kan partane sjølve avtale ei angrefrist. Du kan klage på vedtak om at konfliktrådet avviser ei sak eller nektar å godkjenne ei avtale innan ei frist på tre veker frå du tok imot vedtaket. Klagen må rettast til konfliktrådet. Før opp kva du ønskjer endra i vedtaket og grunngje det. Klageinstans er Sekretariatet for konfliktråda.

  • kommunevaapen_kviteseid

kviteseid.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke kviteseid.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk