Sjukepleiar/vernepleiar 100 % fast stilling ved omsorg og meistring

Arbeidstad: heimetenestene
Oppstart: 06.01.26

Vil du vere med og gje tryggleik, omsorg og fagleg kvalitet til menneske i eige heim?
Heimetenestene i Kviteseid består av engasjerte og kompetente medarbeidarar som arbeider tett saman for å sikre at brukarane våre får gode og heilskaplege tenester.

Vi søkjer no etter ein sjukepleiar/vernepleiar som ynskjer å bidra med fagleg tryggleik, engasjement og omsorg i ein variert og meiningsfull arbeidskvardag
Stillinga inngår i turnus med dag- og kveldsvakter, og arbeid kvar tredje helg.

Om stillinga

Arbeidsoppgåver:

• Utføre og følgje opp sjukepleie-/vernepleiefaglege oppgåver i heimesjukepleia
• Observere, vurdere og dokumentere endringar i helsetilstand
• Samarbeide tett med lege, fysioterapeut, ergoterapeut, pårørande og andre instansar
• Rettleie og støtte kollegaer, studentar og helsefagarbeidarar
• Bidra til fagutvikling og kvalitet i tenestene
• Sikre tryggleik og verdigheit for brukarane

Kvalifikasjonar:

• Offentleg godkjend sjukepleiar/vernepleiar
• Ønskeleg med erfaring frå heimesjukepleie
• Førarkort klasse B
• Gode digitale ferdigheiter (vi nyttar elektronisk journalsystem)
• God norsk munnleg og skriftleg framstillingsevne

Personlege eigenskapar:

Vi ser etter deg som:

• Er stødig, trygg og i stand til å stå i krevjande situasjonar
• Har eit varmt engasjement for menneske og ønskjer å gjere ein forskjell
• Trivst med ansvar og sjølvstendig arbeid, men verdset samarbeid
• Er løysingsorientert, strukturert og bidreg til eit godt arbeidsmiljø

Vi tilbyr:

• Eit fagleg sterkt, inkluderande og triveleg arbeidsmiljø
• Varierte arbeidsoppgåver med faglege utfordringar
• God opplæring og oppfølging for nytilsette
• Moglegheiter for fagleg utvikling og vidareutdanning
• Vi er med i regionalt simuleringsnettverk og jobbar aktivt med simulering og kompetanseheving
• Løn etter gjeldande avtaleverk
• Gode pensjons- og forsikringsordningar