Vi treng sjukepleiar/vernepleiar 2x100% stilling, fast

Har du lyst på ein jobb der du verkeleg kan gjera ein forskjell- kvar einaste dag? Er du sjukepleiaren/vernepleiaren som alltid sett pasientane i fokus, bidreg med din kompetanse, samt evnar å halde hovudet kaldt og hjartet varmt? Då ynskjer me at du søkjer!

Ved Kviteseid omsorgssenter er fylgjande stillingar ledig:

Sjukepleiar/vernepleiar, 2 x 100% fast stilling frå d.d.

Stillingane er i turnus, 35,5 t/v med arbeid kvar 3. helg.

KOS er ein sjukeheim med totalt 32 plassar. Hjå oss vil du møte ei pasientgruppe med stor variasjon i sjukdomsbilete og funksjonsnivå. KOS er ein arbeidsplass der kvalitet, omsorg og utvikling gjeng hand i hand. Me jobbar for at våre pasientar skal kjenne på tryggleik, verdigheit og ein best mogleg kvardag. Me leitar etter ein engasjera sjukepleiar/vernepleiar som vil bli ein viktig del av vårt gode lag.

Arbeidsoppgåver:

• Utføre helse- og omsorgstenester til brukarar i tråd med gjeldane krav til kvalitet og lovverk
• Administrative oppgåver knytt til det sjukepleiefaglege
• Medverke til fagutvikling og kompetanseheving i eininga
• Rettleiing, undervisning og informasjon til kollegaer, studentar, brukarar og pårørande
• Tverrfagleg samarbeid

Kvalifikasjonar:

• Norsk autorisasjon som sjukepleiar/vernepleiar
• Interesse for faget og utvikling av dette
• God digital kompetanse
• Må kunne beherske norsk godt munnleg og skriftleg

Personlege eigenskapar:

• Du har godt humør, er fagleg engasjera og har eit hjarte for eldreomsorg
• Du er fleksibel, strukturert og løysningsorientert
• Du har gode kommunikasjons- og samarbeidsevner, samt evne til å jobbe sjølvstendig
• Du kan tilpasse deg ulike situasjonar og arbeidskvardagar
• Du kan prioritere, ta avgjersler og har gjennomføringsevne
• Du medverkar til eit godt arbeidsmiljø

Me kan tilby:

• Årsturnus
• Ansvarleg sjukepleiar/vernepleiar på topp dag, kveld og helg
• Moglegheit for å søkje om utgiftsdekning ved relevant vidareutdanning
• Fagleg utvikling
• Intern og ekstern undervisning, fokus på øving og ferdighetstrening
• Triveleg arbeidsmiljø med godt samhald og mykje humor

Ved tilsetjing må politiattest leggast fram, ikkje eldre enn 3 månader.

Personlege eigenskapar vert vektlagt ved tilsetjing. Kommunen legg vekt på: psykososialt arbeidsmiljø, samarbeidsevner og mellommenneskelege arbeidstilhøve.