Ferievikarar med bonusavtale
sommaren 2026
- helse og omsorg

Lyst på ein spannande og meiningsfylt sommarjobb? Som gjev deg verdfull arbeidserfaring i tillegg til å nyte sommaren i vakre Kviteseid?

Kviteseid kommune har behov for sjukepleiarar, vernepleiarar, helsefagarbeidarar, helsesekretærar, studentar/elevar, assistentar.

Me har behov for ferievikarar i perioden 15.06.26 – 09.08.26 ved Kviteseid omsorgssenter, heimesjukepleia, heimehjelpstenesta, tilrettelagde tenester, legekontoret, kjøkenet og vaskeriet.

Sjukepleiar- og vernepleiarstudentar som jobbar innan relevante fagområde blir løna etter lokal avtale.

Det er ønskjeleg at søkjarar har fylt 18 år og kan jobbe i heile perioden.

Kviteseid kommune har bonus ordning for sommarvikarar som binder seg for arbeid i
80-100% stilling i veke 26-31 på opptil 15.000kr

Ved Kviteseid omsorgssenter, tilrettelagde tenester og i heimesjukepleia jobbar ein turnus og i snitt annankvar helg.

Vikarar i heimesjukepleia og heimehjelpstenesta må ha førarkort klasse B. Heimehjelpsvikarar må og disponere eigen bil.

Opplæring skjer fortrinnsvis før vikariatet startar. Grunnkurs i legemiddelhandtering for dei som har behov for det.

I søknaden må du oppgje kva for arbeidsplass du søkjer. Dersom fleire arbeidsstader er aktuelle, må di prioritering koma fram i søknaden. Sei frå dersom det er dagar du eventuelt ikkje kan jobbe. Søkjarar kan ikkje få fri i både veke 29 og 30. Me vil prioritere søkjarar som kan jobbe heile perioden.

Ved tilsetjing må politiattest leggast fram, ikkje eldre enn 3 månader.

Personlege eigenskapar vert vektlagt ved tilsetting.

Kommunen sitt administrasjonsspråk er nynorsk.

Attestar og vitnemål må leggast ved den elektronisk søknaden.