Engasjert gjeng i Kviteseid ungdomsråd

Fra venstre: Luzzi-Sofie L Hauge, Eivor Metveit, Marte Straand (leiar), Mikaylay N Hefley (nestleiar) og Vetle Aamot.

Presentasjon frå Velferd og kommunedirektør

Eit av hovudpunkta på sakslista var ein presentasjon frå kommunalområdet Velferd ved kommunalsjef Thormod Moi Felle. Han gav ungdomsrådet ei grundig innføring i arbeidet som blir gjort innan helse, omsorg og oppvekst i Kviteseid kommune.

Kommunedirektør Laila Thorsen tok òg turen innom møtet for å helse på det nye ungdomsrådet. Ho presenterte seg sjølv og rolla si, og uttrykte glede over å ha fått på plass eit nytt og engasjert ungdomsråd.

Ho understreka kor viktig det er at ungdom får ein reell medverknad i saker som gjeld dei, og oppmoda rådet til å vere tydelege stemmer i kommunen. Besøket vart sett stor pris på og bidrog til å styrke bandet mellom ungdomsrådet og kommuneleiinga.

Ny koordinator og selretær på plass

Under møtet vart også den nye koordinatoren for ungdomsrådet presentert: Siw Haugland Børresen. Ho skal vere ein støtteperson for rådet og bidra til god struktur og framdrift i arbeidet framover.

Rådet har også eion eiga sekretær som skal dele på oppgåvene saman med koordinator. Sekretær for ungdomsrådet er spesialrådgivar Olav O Kaasa.

Klare for vidare arbeid

Møtet synte at det nye ungdomsrådet er motiverte og klare for å ta fatt på oppgåvene sine. Med viktige saker på dagsorden og tett kontakt med administrasjonen i kommunen, ligg det godt til rette for at ungdommane kan vere med og påverke utviklinga i Kviteseid i positiv retning.