LEDIG STILLING
Ved eining for heimetenester er fylgjande stilling ledig:
Stillinga er i turnus, 35,5 t/v med arbeid kvar 3. helg.
Som sjukepleiar i heimetenesta vil du møte ei variert brukargruppe med stort spenn i alder, sjukdomsbilete og funksjonsnivå. Tenesta har høg fagleg kompetanse, eit svært godt arbeidsmiljø og ei stabil bemanning gjennom mange år.
Arbeidsoppgåver:
- Utføre helse- og omsorgstenester til brukarar i tråd med gjeldane krav til kvalitet og lovverk
- Administrative oppgåver knytt til det sjukepleiefaglege
- Medverke til fagutvikling og kompetanseheving i eininga
- Rettleiing, undervisning og informasjon til kollegaer, studentar, brukarar og pårørande
- Tverrfagleg samarbeid
Kvalifikasjonar:
- Norsk autorisasjon som sjukepleiar
- Interesse for faget og utvikling av dette
- Gode IKT-kunnskapar
- Må kunne beherske norsk godt munnleg og skriftleg
- Søkjar må ha førarkort kl. B
Personlege eigenskapar:
- Vera fleksibel, strukturert og løysningsorientert
- Ha gode kommunikasjons- og samarbeidsevner
- Kunne jobbe sjølvstendig
- Halde seg fagleg oppdatert
Ved tilsetjing må politiattest leggast fram, ikkje eldre enn 3 månader.
Personlege eigenskapar vert vektlagt ved tilsetjing. Kommunen legg vekt på: psykososialt arbeidsmiljø, samarbeidsevner og mellommenneskelege arbeidstilhøve.
Kommunen sitt administrasjonsspråk er nynorsk.
Lenke til elektronisk søknadsskjema: https://skjema.kf.no/FormsEngine/?wizardId=5554&externalId=3821
Attestar og vitnemål vil bli etterspurd i samband med intervju. Spørsmål kan rettast til einingsleiar Hanne Norgaard på tlf. 90 92 03 15
Søknadsfrist: 01.10.23