Hopp til innholdet

Tenestekontoret

Kommunen har ansvar for at personar som oppheld seg i kommunen får tilbod om naudsynte helse- og omsorgstenester.
Tenestekontoret i Kviteseid kommune gjev informasjon om tenestene, mottek og handsamar søknader og fattar vedtak. Tenestekontoret er og koordinerande eining for helse- og omsorgstenestene med ansvar for habilitering og rehabilitering, individuell plan og koordinator.

Tenestekontoret tildeler:

  • Lovpålagde helse- og omsorgstenester etter helse- og omsorgstjenesteloven, pasient- og brukerrettighetsloven og forskriftene knytt til lovene
  • Ikkje lovpålagde tenester etter forvaltningsloven
  • Følgjekort etter nasjonale retningsliner for følgjekort
  • TT-kort (tilrettelagd transport) etter retningslinene frå Vestfold og Telemark fylkeskommune


Tenestekontoret innhentar informasjon og kartlegg trongen for tenester i samråd med brukaren/pasienten eller deira representant. For å sikre god individuell handsaming og rettstryggleik treng tenestekontoret fullmakt til å innhente naudsynte opplysingar, sjå punktet om informert samtykke og fullmakt på søknadsskjemaet.

Tenestekontoret skal sørgje for at:

  • Søkjarane får god og tilstrekkeleg rettleiing og informasjon om tenestene, rettar og plikter
  • Dei ulike tenestene til brukarane og pasientane vert samordna og at tenestene er forsvarlege

Sist oppdatert

Fann du det du leita etter?