Renovasjon
-
Generelt om tjenesten
Tenesteomtale
Avfallet ditt blir henta regelmessig og så godt det lèt seg gjere, utan sjenerande støy, lukt eller støv. Avfallsbehaldarane blir sat tilbake der dei var og grinder, porter og dører skal lukkast.Du vil få melding om korleis kjeldesortering blir gjord i din kommune.Det er tvungen renovasjon i Kviteseid. For å løyse dei praktiske oppgåvene er det oppretta eit interkommunalt selskap i Vest-Telemark - RENOVEST IKS.
For å bidra til eit godt miljø skal det skje ei kjeldesortering av avfallet. Dette skjer dels hjå deg som kunde, dels gjennom containarar som er plassert ulike plassar i kommunen og dels gjennom avfallsplassen som ligg på Bunkeberg.
Som kunde får du kvart år utdela ein kalender som viser tømetidspunkt mv. På heimesida til RENOVEST www.renovest.no kan du lese det du treng å vite om t.d opningstider, sorteringsrettleiing mv.
Her blir det gjeve eit oversyn over dei ulike abonnementstypane:
VANLEG ABONNEMENT
Vanleg husstand får eit standardabonnement som inneheld fylgjande:
1 restavfallsdunk
1 papirdunk
1 matavfallsdunk
+ naudsynt mengde bioposar til matavfall og sekkar til plast.
Hentefrekvens: Restavfall kvar 14. dag. Papir/papp og plast kvar 14. dag. Matavfall kvar 14. dag i perioden sept-mai, og kvar veke i juni-juli-august.MINIABONNEMENT
Utstyr som for vanleg abonnent.
Hentefrekvens: Restavfall kvar 4. veke. Papir/papp og plast kvar 4 veke. Matavfall kvar 14. dag i perioden sept-mai og kvar veke i juni-juli-august.
HYBEL
er bueining for utleige med eige kjøkken/kjøkkenkrok eller felleskjøkken.FRITIDSABONNEMENT (HYTTER)
I Kviteseid er det innført tvungen renovasjonsordning for hytteeigarar. Ordninga skal sikre at avfall frå hytteeigarar vert tatt hand om på ein forsvarleg måte.
Ordninga gjev hytteeigarar rett til å nytte containere som er plassert på forskjellige plasser i kommunen. Kart over dette kan du få på teknisk avdeling.
STØRRE ABONNENTAR
Eigedomar, bedrifter, kontorer som har større avfallsmengder kan få utlevera plastdunkar
på hjul. 3 stk. med dei same fraksjonane som skal hentast hos hushaldningsabonnentane.
Storleiken på kvar dunk må bestemmast utifrå avfallsmengda.
NB! Innsamling fylgjer same køyrerute som for vanleg abonnent.
STORABONNENTAR
Eigedomar, verksemder og kontor som har større mengder forbruksavfall og der plastdunkar blir for små må nytte container. Desse abonnentane må kjøpe/leige container sjølve og gjera avtale direkte med renovatør.
Det kan også gjerast kombinasjonsløysingar med dunkar og container.Målgruppe
Private hushald.
Pris for tenesta
Renovasjonsgebyret er fastsett i kommunal forskrift.
Pris:
Gjennom lov er kommunane pålagt at gebyr fullt ut skal dekke kommunane sine utgifter ved renovasjonaordninga. Prinsippet er at den som ureinar skal betale. Gebyret består av kommunen sine utgifter til RENOVEST med påslag av ein administrasjonsdel. Sidan Kviteseid har ein effektiv administrasjon har kommunen dei lågaste renovasjonsgebyra i Vest-Telemark.Brosjyrer, dokumenter, kart og lignende
-
Lover og forskrifter
Dette er ei lovpålagd teneste. Kommunen fastset ei renovasjonsforskrift som omtaler ordninga og rettar og plikter for kommunen, abonnenten og renovatøren.
Sjå
Forurensingsloven § 30 Kommunal innsamling av husholdningsavfallLover
Forurensningsloven
Forskrifter
Renovasjon Kviteseid, forskrift
Vedtekter
Forskrift for innsamling og handsaming av hushaldsavfall mv., Fyresdal, Kviteseid, Seljord, Tokke og Vinje - Skjema
- Saksbehandling
-
Kontaktinformasjon
Kontaktavdeling
Avdeling: Samfunnsutvikling og teknisk drift Postadresse: Kviteseidgata 13 3850 KVITESEID Besøksadresse: Kviteseidgata 13 3850 KVITESEID -
Andre opplysningar
- Oppdatert:
- 2019-02-14 09:16